GONZÁLEZ VIGO, Marcial

Nado na Estrada , desempeña a profesión de radiofonista en Lugo



http://galegos.galiciadigital.com/es/marcial-jose-gonzalez-vigo

PARA NO VERDE DURMIR

Quero durmir ben durmido,

anestesiado profundo,

nesa cor verdeada

fronteiro por outro mundo.

Nesa cor verdesía,

quero durmir ben durmido,

no val do mirar amigo

cos teus fondais durmindo.

Que nesa mirada están

matices de primavera,

doce e millor anestesia;

barco de corenta velas.

Musca nai,¡que ben cantou!,

nanas de belido verde.

Dous nenos durmiron sonos

tenros de verde no berce.

Por durmir así durmindo,

estou posible a pedir

unha nova cirurxía

para no verde durmir.

CANTIGA TRISTE

O cantar da Fonte Arcada

soa con moita tristeza,

pola cidade queimada.

Soa a canto de pesar

na noite da carballeira,

por vidas asasinadas.

A pena na Fonte Arcada

fixo que tremera auga,

nos canos da Fonte clara.

No Camiño da Arcada

olor a morte de sables,

á pólvora disparada.

De: Cantigas da Fonte Arcada