Nado no 1944 en Bazar- Castro de Rei , estuda no Seminario de Mondoñedo e no Instituto de Lugo.
https://bibliotecavirtual.galiciadigital.com/content/anxo-lamas
O VOSO AMIGO
Eu son amigo teu, xesta florida,
e teu tamén , toxo picudo.
Amigo son, da auga e do fogo,
da bolboreta con cores chispeantes,
do ratiño do campo, bulideiro.
Coma vosoutros estou feito de terra,
feito de po, de lama, de follas secas;
e comma vós, cando me chegue o día,
vaidoso serie de volver a ela.
O NIÑO DO MERLO
Na silveira da fraga lonxana
fixo o niño un merlo afouto,
escondido no medio do souto
para a merla lizgaira e louzana.
Pendurado na punta da rama
dun carballo retorto e raiano,
entre un rego e o prado secano
coa molida de mofo e de grama.
Converteuno nun berce choupano
pra que a merla pouxera tres ovos
que co tempo serían tres merlos
que voaron do niño temprano,
revoltosos, inquedos, con poucos miolos,
relucindo os seus picos marelos.
De: Tebras
