Nado na Coruña exerce como profesor no IES da Terra Chá
---
Nese caso diría a verdade,
eu qué sei, que fun concibido
entre nácar , cando a muller do océano
conquistou a hora libre.Que o ceo era azul
e moitas
peixeiras lavaban
as maos con
sakito.
A visión acontece en Foz,
sobre o
colector da varredura.
Sae o sol
de resaca
polo mar e
pecharon a xógara.Meu rei deitado,
mentres
agarda o bus, transforma a auga
en lúpulo, pensa en verso,
a cabeza florida: "verzas
como emperatrices"
MONTE ALTO
Durmía
baixo un faro,
baixo as
horas, a noite intermitente.
A primeira
cousa que me deu medo foi a indiferencia
da Torre,a
exactitude da luz
ao vencer o
ceo escuro,o seu cálculo
para
sinalar as tebras.
(Ía poñer ,
a manía de sempre, que nacera en brazos dun cíclope:
como si o
faro fose un cíclope, ou o cíclope un faro).
Frente á
casa, de mañá, había leiras ,
e o leite
quentaba as maos, traía
aínda
o calor da vaca
a través do
metal.
De: A
vella peneira a noite
No hay comentarios:
Publicar un comentario